Дзень народнага адзінства - не проста свята, а і добрая нагода пагаварыць аб гісторыі свайго народа, сваёй краіны, паразважаць аб тым, якая адказнасць ляжыць на сённяшніх пакаленнях, што захаваць і ўмацаваць цэласнасць і адзінства беларускага народа.
Такую размову аб'яднаў у рамках святочнага мерапрыемства і хлопчыкаў і дзяўчынак - пяцікласнікаў, і старшакласнікаў, і настаўнікаў.
Эмацыйны маналог арганізатара мерапрыемства, кіраўніка па ваенна-патрыятычным выхаванні Ганчара Ю.В., выступ - тэатралізацыя пяцікласнікаў, урачыстая інтанацыя вядучых - дзесяцікласнікаў - усё гэта было накіравана на тое, каб кожны слухач і ўдзельнік усвядоміў сутнасць гэтага свята і той шлях, які прайшоў беларускі народ.